المعاش ؟
على فكره الموضوع يتعلق في الاشخاص اللي مصدر دخلهم الوحيد اهو الراتب والراتب مهما كان ترى ما يلبي احتياجات الاسره الكويتيه وخلوني افصلها لكم
اللي يدفع ايجار وتعرفون قيمة الايجارات يعني اللي باني شقق في بيته بيت النازل 300 دينار والعماير تدرون ماتنسكن وكلها مشاكل انزين تعال حق مستلزمات الاسره مثل اغراض الجمعيه يبيلك بالشهر دشتين للجمعيه يعني معدل 120 دينار بالشهر. بعد اقصاد السياره يعني تدرون الكويتين كشيخه معدل القصد لخمس سنوات ودفعه اخيره بعد بمعدل 180 دينار واذا سياره موفخمه بمعدل 120 دينار. وبعد المصروف اليومي لأسره مكونه من3 اشخاص بمعدل 10 دنانير باليوم ومع بانزين السياره فوق البيعه يعني 300 دينار. تعالوا نحسبها بكل بساطه تقريبا 1020 دينار.ومعدل الرواتب تقريبا 900 دينار بعد الخصميات
4 comments:
يا قلم ويابرايه
قلبت المواجع
اسمه مااااعااااش
يعني لازم مايكفي
وعموما الحمدالله على كل شي
الله لو يفكنا بس من هالمظاهر اللي الواحد يضطر انه يزاحم الناس فيها
والله كريم
اهو ما يعيش اصلا
و الفشخرة اللى عايشين فيها الناس اقول يترحمون على عيالهم قريبا
وارحب فيك فى عالم المدونات اخوى الكريم
التخطيط شي مهم احنا غافلين عنه او اصلا يمكن مو حاطينه ضمن الحسبه
والاقساط مردها بتخلص ان شالله
فنحاول ان نقلل من هالصرف اللي مالا والي .. شي مانحتاجه ليش نشتريه ؟
على الاقل في الفترة الحالية لحد ماتتحسن الاوضاع
--
وفيه بعد فكرة ماشالله ماشالله علمتني اياها وحده اتوقع لو اني ماشيه عليها جان صرت مليونيره :))
1
تخصيص جزء من المعاش للصدقة بشكل مستمر مو معاش إيه ومعاش لأ
2
تخصيص مبلغ للادخار .. لاتقول مايكفي 100 تتجمد ماتنصرف
وبعد ماتخلص من الاقساط راح يزيد المبلغ طبعاً
3
الخردة ترى احنا مستهينين فيها خل يكون هذا تخصص اليهال بالبيت تنحط حصاله كبيرة وكل من ايمع فيها
غير حصالة الصدقات هذي تكون حق اخر الشهر والاشيا الصغيرة
--
أخيــراً
نبارك افتتاحك للبلوق
ومترقبين جديدك في الطرح
q8doll,mishari,relax
اشكركم على ردودكم
والى ريلاكس عندي لج كذا طريقه علشان توفرين فيها
Post a Comment