الفرضه ؟مع ان عايلتي صغيره واذا بغيت خضره او ميوه كافي علينا كيسين من فرع الخضار بالجمعيه. بس احب دايما اروح الفرضه بالشويخ واخذ اليهال معاي واهم مستانسين بعد يبا نبي هذا وذاك الين يترسون العربانه وعليهم ستين الف عافيه. عالعموم في شي خطير حاصل وادري بتقولون شدعوه وتدقق وايد بس صدقوني احنا بخير ونعمه ولكن هم الله ما يرضى بالاسراف. الموضوع ياجماعة الخير الاسعار المرتفعه والغش عيني عينك يعني انا بحياتي ما شفت خيار وطماط في صندوق فلين . تدرون شنو اللي صاير البياعين يطلعون الخضار والميوه من صناديقها الاصليه الكبيره ويحطونها في صناديق فلين بكميات قليله علشان يكون سعر الفلين يعادل الصندوق الكبير الاصلي والبلديه عادي ولاهم مهتمين . قبل كنت اترس العربانه من ميوه وخضره بأقل من عشرين دينار الحين اطلع من الفرضه بمو اقل من ثلاثين دينار وبكميات قليله بعد. واحلى نكته سألت البنغالي عن صندوق كرز فقالى بسعر دبل عن السوق ولما سألته ليش سعرك عالى تدرون شرد؟ هذا الكرز لبناني وواصل بالطياره؟؟؟؟
واللى مستغرب منه ان لما اكاسر اي بايع يقولي والله مربحي في الصندوق 100 فلس يعني مومعقوله لو يبيع باليوم 200 صندوق يطلعله 20 دينار
وينكم يابلديه عن الجشع والطمع من التجار اللي لاعبين لعب بسوق الخضره والسمك واللحم ولا هالاجانب لاعبين لعب في الاسعار
(ملاحظه ترى صوره الموضوع لسوق المباركيه وهم بعد الاسعار دبل الشويخ)
4 comments:
المشي بسوق الخضرة له احساس وشعور لا يوصف .. البساطة رائعة ومريحة للبال ..
وينكم يا بلدية ؟؟
أنت من صجك تنادي البلدية ؟؟
لقد أسمعت لو ناديت حياً ** ولكن لا حياة لمن تنادي
شاكر لك اخوي على ردك
البلدية تلحق على مخالفات البني والا شغل تحت الطاولة لووووووية
خلها على الله انا اقول روح الجمعية انظف وابرد من الحر
:)
من مدة طويلة ما دخلت سوق الخضرة
مع انني كنت استمتع بهالشي لمه كنت صغيره و كنت استمتع اكثر بسوق السمك..
أسعار سوق الخضرة أعلى من الجمعيات؟
اللي اعرفه انه أرخص نسبياً ؟
و بالنسبة حق البلدية ، أمور وايد لازم تسمعها منّا لكن عمّك أصمخ ..!
تحياتي لك
Post a Comment